Ana-Maria Pauletta
| Ana-Maria Pauletta | ||
|---|---|---|
| Imagen desea: Ana-Maria Pauletta | ||
| Informashon básiko | ||
| Nòmber kompleto | Ana-Maria Virginia Pauletta | |
| Nasementu | 2 di novèmber 1978 Kòrsou 
| |
| Pais |  Kòrsou
| |
| Funshon aktual | miembro di Parlamento di Kòrsou | |
| Desde | 2017 | |
| Partido | PAR | |
| Funshon | ||
| 2021-presente | lider di frakshon PAR | |
| 2020-2021 | presidente di parlamento | |
Ana-Maria Virginia Pauletta (☆ 2 di novèmber 1978 na Kòrsou) ta un polítiko kurasoleño i miembro di Parlamento di Kòrsou desde 2017. Durante su término komo parlamentario el a fungi komo lider di frakshon di PAR i tabata presidente di parlamento di 3 di yüni 2020 te 11 di mei 2021.
Ana-Maria Pauletta a krese na Otrobanda. Despues di kaba HAVO el a sigui studia na Universidat di Kòrsou unda el a optene un master den trabao sosial. Su karera a start den kuido di adikshon na Fundashon Maneho di Adikshon (FMA), sigui pa trabou di reclassering. Despues e tabata direktor di Fundashon Yudansa pa Víktima.
Na elekshon parlamentario di 2016 e tabata kandidato riba lista di PAR, pero no a logra un asiento. Despues di elekshon di 2017 i formashon di Gabinete-Rhuggenaath el a huramentá komo miembro di parlamento i a wòrdu apuntá pa su partido komo lider di frakshon. Den parlamento Pauletta ta presidi e komishon fiho Komishon di Asuntunan di Reino, Relashonnan Interparlamentario i Relashonnan Eksterior. Na nomber di su frakshon el a entrega na 2019 un ordenansa di inisiativa kontra intimidashon seksual na pia di trabou. Pauletta a keda elegí presidente di parlamento riba rekomendashon di PAR dia 3 di yüni 2020. E ta susesor di William Millerson, kende a retirá di su presidensia pa motivo di salú.