Cuco di indjan
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Nomber kòrtiku | A. arubensis |
---|---|
Nòmber sientífiko | Agave arubensis |
Kategoria taksonómiko | espesie |
Takson superior | Agave sect. Viviparae |
Cuco di indjan (Agave arubensis) ta un especie di mata di e género Agave cu ta pertenece na e famia di Asparagaceae.[1][2] El a wordo describi na 1936 pa Pieter Wagenaar Hummelinck.[3]
Habitat y etymologia[editá | editá fuente]
E agave arubensis ta crece solamente na Aruba y a haya su nomber di e isla caminda e ta habita. E ta, hunto cu e agave rutteniae, un di e dos especie di agave nativo di Aruba.[4] Den e Catalogue of Life no ta haci mencion di ningun subspecie.[5] E especie ta endemico y por wordo observa solamente riba calichi pazuid di e area di Fontein.
Descripcion[editá | editá fuente]
E mata ta crece den forma di un roseta cu un diameter di 130 pa 160 cm. E blachinan suculento tin un rand spina cu ta hinca.[6] E stengel di flor ta yega un haltura di 350 pa 500 cm y ta floria geel.[7]
Proteccion[editá | editá fuente]
E cuco di indjan ta ser menasá dor di e sobredesaroyo y bendemento comercial di e mata pa landscaping. Desde 2017 e especie tin proteccion via un decreto nacional y ta poni riba un lista di mata di Aruba cu ta core peliger di extincion. Violacionnan di ley ta wordo sanciona cu multanan grandi o un tempo di prizon.[4]
Fuente, nota i/òf referensia
|