Guillfred Besaril
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
| Guillfred Besaril | ||
|---|---|---|
| Imagen desea: Guillfred Besaril | ||
| Informacion basico | ||
| Nomber completo | Guillfred Francis Besaril | |
| Nacemento | 9 januari 1974 Aruba | |
| Pais |  Aruba
| |
| Funcion actual | Minister plenipotenciario di Aruba | |
| Desde | 20 november 2017 | |
| Partido | Movimiento Electoral di Pueblo (MEP) | |
| Funcion | ||
| 2013-2017 | Miembro di Parlamento di Aruba | |
| 27 oktober 2017-20 november 2017 | Presidente di Parlamento di Aruba | |
| 2017-2022 | Minister plenipotenciario di Aruba | |
| Website | ||
Guillfred Francis Besaril (☆ 9 di januari 1974, Aruba) ta un politico Arubano. Di 2017 pa 2022 el a eherce e funcion di minister plenipotenciario di Aruba na Hulanda. Previamente e tabata miembro di parlamento di Aruba pa partido MEP di 2013 te 2017.
Besaril a lanta den distrito di Savaneta y na 1993 a inicia su carera na Cuerpo Policial Arubano (CPA). Entre 1993 y 2013 el a recore e filanan di CPA te jega un puesto di kader. Na 1999 Besaril a bay Hulanda pa sigui estudio, obteniendo un bachelor in Training & Human Development na Hogeschool van Arnhem en Nijmegen. Entre 2009 y 2013 e tabata presidente di Sindicato di Polis Arubano (SPA).[1]
Desde 2013 Besaril ta milita den partido Movimiento Electoral di Pueblo (MEP). Cu su participacion na eleccion 2013 riba posicion nr. 4 riba e lista e ta logra 833 voto personal y un asiento den parlamento di Aruba. Na eleccion 2017 e ta mantene su asiento y ta wordo eligi presidente di parlamento dia 27 di oktober 2017.[2] Na november 2017 e ta entrega su retiro como presidente y parlamentario pa asumi e puesto di minister plenipotenciario den gabinete Wever-Croes I y cual ta wordo prolonga den Gabinete Wever-Croes II.[3] Na juni 2022 Besaril ta anuncia repentinamente su retiro pa motivonan personal i ta bolbe Aruba.[4] Entrante prome di juli 2022 el a wordo sigui pa Ady Thijsen.
Besaril ta casa y tata di tres yiu muhe.[5]
Caso Tulipan[editá | editá fuente]
Prome minister Evelyn Wever-Croes ta haci denuncia na Ministerio Publico relaciona cu e iregularidadnan na Arubahuis durante e periodo 2018-2021, despues cu ‘Centrale Accountantsdienst’ (CAD) a investiga kehonan cu a drenta tocante malgastamento di fondonan di Arubahuis den un forma incorecto y hasta ilegal.[6] Segun e kehadonan ex minister plenipotenciario Besaril i dos otro persona lo ta involucra. Dia 9 di januari 2023 gobierno di Aruba ta despedí Besaril como ambtenaar pa falta grave di trabou; na october mesun aña su apelacion contra esaki a keda rechasa den corte.[7] E ta wordo deteni dia 13 di februari 2024, apenas cuater siman despues di a detene Glenn Ling, ex-director suplente di Arubahuis, kende a wordo laga den libertad.[8]
Referensia
|
· 
· 