Museo Tula
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Fecha di fundashon òf kreashon | 2007 ![]() |
---|---|
Pais | Kòrsou ![]() |
Koordinato geográfiko | 12°20′40″N 69°8′35″W ![]() |
Ta konmemorá | Tula, Rebelion Grandi ![]() |
![Map](https://maps.wikimedia.org/img/osm-intl,10,12.344545,-69.142968,266x266.png?lang=pap&domain=pap.wikipedia.org&title=Museo_Tula&revid=116372&groups=_8c035cd59479a9f558a0247f44f75e63b64bd71e)
Museo Tula ta e museo nashonal di Kòrsou, dediká na e herensia kultural afro-kurasoleño. E ta situá den lanthùis Kenepa na Bandabou, den e parti nortwest di e isla. Museo Tula ta un di e dos museo eksistente den Bandabou ku ta ekshibí e historia i desaroyo di sklabitut na Kòrsou.
Historia[editá | editá fuente]
Lanthùis Kenepa a wòrdu restourá na 2005 i e museo a habri na 2007.[1] A duna e museo e nòmber di Tula, lider di e Rebelion Grandi na 1795 i heroe di Kòrsou. Plantashi Kenepa tabata e lugá unda e rebelion a inisia. E kolekshon permanente, parti entre e dos piso, ta konta e historia di e bida di plantashi i di un katibu na Kòrsou.[2] Banda di e eksposishon e museo tin un tienda ku artesania i un restorant ku menu krioyo-afrokaribense.[1]
Entre 2020 i 2024 a museo tabata será, inisialmente pa motibu di COVID-19 sigui pa mantenshon i renovashon di e lanthùis. E re-apertura dia 25 di febrüari 2024[3] a wòrdu finansia ku un donashon di 881.000 florin antiano di Banko Sentral di Hulanda (DNB) den kuadro di e konsientasishon di pasado di sklabitut.[4] Na ougùstùs 2023 e museo a saka na benta un moneda konmemorativo di abolishon di sklabitut pa genera fondo pa su operashon.[5]
Mira tambe[editá | editá fuente]
Fuente, nota i/òf referensia
|