SETAR
| Aktivo den sektor di | telecommunications, mobile phone industry  |
|---|---|
| Fecha di fundashon òf kreashon | 1986 |
| Pais | Aruba |
| Legal form | naamloze vennootschap |
| Sede | Oranjestad |
| Wèpsait ofisial | http://setar.aw/ |
| Mobile network code | 01 |
SETAR, oficialmente Servicio di Telecomunicacion di Aruba NV, ta un proveedor di servicionan di telecomunicacion pa e isla di Aruba. Esakinan ta inclui: servicionan di telefon, internet y servicionan sin kabel (wireless) relaciona cu GSM. SETAR tambe ta doño di Telearuba.
Historia[editá | editá fuente]
SETAR a cuminsa na 1986 ora cu a uni e servicionan di telegrafia y telefonia, cu antes tabata yama Landsradio y Telefoondienst y cu tabata pertenece na gobierno di Antias Hulandes, pa crea un entidad propio y independiente na Aruba. Na aña 2003 e compania ta wordo privatisa bou di e nomber Servicio di Telecomunicacion di Aruba NV, mientras gobierno di Aruba a keda 100% doño di e accionnan.
Uzo di tecnologia[editá | editá fuente]
Ku e surgimento mundial di tecnologia di telecomunicacion, SETAR a instala na 1989 su prome sistema di telefon digital y un stacion di satelite terestre riba Hooiberg. Danki na e inversion aki Aruba por a comunica directamente via satelite cu resto di mundo. Entre 1990 y 1991 un intercambio digital local a ser estableci y na 1993 un di dos stacion di satelite terestre a ser instala, cu a wordo uza pa sostene comunicacion via satelite y e red mobil. E stacionnan central ta conecta via kabel di fibra di glas.
Na aña 1996 e red local di SETAR a bira completamente digital. Na 1998, Aruba tabata conecta via di e kabel submarino Pan-Americano cu St. Croix na e Islanan Birgen Mericano y cu e resto di mundo. Un kabel di fibra di glas bou di laman yama Alonso de Ojeda ta activa e conexion cu Corsou danki na tecnologia di fibra di glas. Na aña 1999 a introduci e servisio ISDN. Na 2001 SETAR a cuminsa uza tecnologia GSM y servicionan di SMS adicional.
SETAR ta ofrece e proceso e-Cuenta for di 2004; tur cliente por wak nan factura y consumo online na WEB Aruba NV. Na 2004 SETAR tambe a instala servicionan di internet sin kabel. Na februari 2005 Setar a cumpra e compania Cable TV Aruba, birando proveedor di servicio di television via di kabel. Na aña 2006 Wi-Fi a wordo amplia y DSL a redobla su velocidad.
Trayectorio di comunicacion na Aruba[editá | editá fuente]
- For di 1700 e comunicacion a tuma lugá prinsipalmente via post.
- 1910 - e prome telegrafo a drenta den uzo.
- 1933 - e prome conexionnan di telefon na cas a wordo instala.
- 1978 - e plantanan manual a ser cambia pa un sistema automatico.
- 1986 - Setar ta e unico proveedor di servicionan di telecomunicacion
- 1995 - a introduci servicionan internet
- 2003 - a kibra e monopolio di Setar como proveedor di servicionan di telecomunicacion.
Link externo[editá | editá fuente]
- History riba website di SETAR