Tuna
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Nomber kòrtiku | O. caracassana |
---|---|
Nòmber sientífiko | Opuntia caracassana |
Kategoria taksonómiko | espesie |
Takson superior | Opuntia |
IUCN conservation status | Least Concern |
CITES Appendix | Appendix II of CITES |
Tuna o Kaka di pushi (Opuntia caracassana, Infrou na Corsou y Boneiro) ta un especie di cadushi di e genero Opuntia cu ta pertenece na e famia di Cactaceae.[1] E especie a wordo describi pa Joseph zu Salm-Reifferscheidt-Dyck na 1850.[2][3]
Distribucion y habitat[editá | editá fuente]
O. caracassana ta presente den zonanan neotropical entre e region nort di Sur America y region di Caribe. Inicialmente e especie a wordo describi como endemico di e ciudad di Caracas, di eynan su nomber cientifico cu literalmente ta nifica "opuntia di Caracas". Sinembargo e especie no ta bini di e region aki y ta mas comun den Venezuela na peninsula di Paraguaná (estado Falcón) y peninsula di Guajira (estado Zulia). Na Aruba, Corsou y Boneiro e ta un especie nativo.[4]
Nomber[editá | editá fuente]
E especie tin varios sinonimo cientifico, entre nan opuntia pennellii, opuntia salvadorensis y opuntia wentiana. Na Venezuela e ta conoci como nopal paraguanero, tuna guajira o tuna de Paraguaná y anteriormente como tuna caraqueña. Na Ingles ta yama e especie common prickly pear.
Descripcion[editá | editá fuente]
E tuna ta crece como mata di mondi, cu hopi rama y ta alcansa un haltura di 1 pa 3 meter. E seccionnan eliptico di colo berde cla ta midi te cu 25 cm largo. Nan ta cubri cu spinanan colo geel cla te blanco cu tin un largura di 2,5 pa 4 cm. E flornan ta di colo geel y 6 pa 7 cm largo. E fruta di e tuna ta chikitu, colo cora cu hopi cabey y ta atrae ratonnan di anochi, manera e especie leptonycteris curasoae, cu ta distribuí su simia.
Fuente, nota i/òf referensia
|