Vale Croes
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Wak Croes (pagina di referencia) pa un otro nificacion di topico.
| Vale Croes | ||
|---|---|---|
| ||
| Informacion basico | ||
| Nacemento | 5 novèmber 1951 Aruba
| |
| Fayecimento | 6 aprel 2015 Aruba
| |
| Obra | ||
| Ofishi | kantante
| |
Rudolfo Valentino “Vale” Croes (☆ 5 di november 1951 - † 6 di april 2015 na Aruba), tabata un cantante y comediante Arubiano.
Biografia[editá | editá fuente]
Vale Croes a nace y lanta den bario di Pos Chikito, den un famia cu 12 yiu. Cu shete aña el a cuminsa canta den coro di Misa Sagrado Curazon na Savaneta bou direccion di Carmen de Kort.
El a gradua como carpinte na scol tecnico Martin Luther Kingschool Aruba na 1966. Despues di gradua, el a traha na entre otro Bosch Plastics, Parsons' Corporation y Refineria Lago. Na 1972, a specialisa su mes na Hulanda den traha cu fibreglass. Entre aña 1980 y 2011 e tawata empleado di gobierno di Aruba.[1]
Vale Croes tabata casa cu Lourdes Correia de Andrade. El a fayece dia 6 di april 2015 na Aruba.
Carera artistico[editá | editá fuente]
Croes su carera artistico a cuminsa como cantante hoben den e grupo ranchero, 'Mariachi Perla di Aruba' y despues, entre 1973 y 1980, den e banda 'Sensacion del Caribe'[2]. E tabata popular den gruponan di Carnaval tambe, pa motibo di su chasconan y bon humor. Croes su lema tabata basa riba palabranan di Ito Tromp (presentado di radio): Cana busca alegria, pasobra tristesa ta bin di mes[3]. El a bira 'Prins Coriente' na 1974, huntu ku Robbie Jansen como 'Pancho Lenga', y na 1979 el a keda elegi 'Prins di Prinsnan' di Carnaval.[2]
Su prome show di comedia el a realisá na 1973 na Connie Francis Club, despues di cual a sigui su prome show di comedia na Cas di Cultura na 1981, esaki sinembargo cu poco exito. Despues di un show na Corsou, su popularidad a crece. Den e periodo entre 1981 y 1996 ticketnan pa su 15 te 20 show pa aña, tabata bende mane pan cayente, tanto na Aruba, Corsou y Boneiro[2].
Na 1994 Vale Croes a organisá un homenahe na e cultura Arubano bou di e titulo Homenahe na nos cultura, folklore y costumber. A sigui un pausa largo te fin di 2006, ora el a haci un come-back presentando e show Pita bo auto prome bo yega cas, un DVD ku broma, cantica y baile di Juan Gabriel. Despues di varios presentacion a sigui su despedida artistico cu e show Bahando cu penshon na Renaissance Convention Center na september 2011.[2]
Referensia
|