Zsolt Szabó
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
| Zsolt Szabó | ||
|---|---|---|
| ||
| Informacion basico | ||
| Nacemento | 24 novèmber 1961 | |
| Antecesor | Alexandra van Huffelen | |
Ferenc Zsolt Szabó (☆ 24 di november 1961 na Amsterdam) ta un empresario y politico Hulandes. Desde 2 di yüli 2024, e ta secretario di estado pa Relacionnan di Reino y Digitalisacion den gabinete-Schoof. Anteriormente e tabata activo como politico di VVD y vicepresidente di Capgemini, un compania grandi di IT cu tambe ta ehecuta hopi contracto (semi)publico.
Bida y carera[editá | editá fuente]
Zsolt Szabó a nace na Hulanda, yiu di mayornan di descendencia Hungaro y ta posee nacionalidad Hungaro y Hulandes.[1]
For di 3 di juni 2003 te cu 30 di november 2006 Szabó tabata miembro di Tweede Kamer. E tabata vocero di e fraccion di VVD pa cooperacion pa desaroyo, defensa y ICT.[2][3] Durante su termino como parlamentario, Szabó tabata di opinion cu Hulanda lo a experiencia den un tempo cortico e introduccion di e firma electronico y carchinan di identidad cu característicanan biometrico (imprenta di dede y iris di wowo) bou di entre otro presion di leynan internacional. Na comienso di juni 2004, el a pidi secretario di estado Medy van der Laan pa splicacion tocante e uzo di open source software (OSS) na su departamento,[4] pasobra Szabó tabata ke evita 'OSS-fetichismo' den gobierno.[5]
Despues di a retira di politica, Szabó a bay traha como consultant. El a bira presidente di e fundacion cu ta maneha e registro di Bel-me-niet y vicepresidente di ECP, e plataforma pa e sociedad di informacion.[6]
Riba peticion di Geert Wilders, lider di PVV, Szabó ta acepta pa eherce e funcion di secretario di estado pa Relacionnan di Reino y Digitalisacion como sucesor di Alexandra van Huffelen.[1] Dia 2 di juli 2024 el a huramenta como e prome mandatario pa Relacionnan di Reino pa PVV, un partido cu den pasado hopi biaha a haci declaracionnan fuerte cu referencia na e islanan di Caribe Hulandes y como e mandatario mas derechista cu e cartera aki.[7]
Honor[editá | editá fuente]
Dia 20 di ougùstùs 2017, Zsolt Szabó a ser nombra como Cabayero den Orden di Republica Hungaro como reconocemento pa su contribucion activo na e exito di companianan Hungaro na Hulanda y na fortalece e imagen positivo di Hungria na Hulanda.[8]
Fuente, nota i/òf referensia
|